Sayesi Düşmez Yere

Sâyesi düşmez yere bir böyle nakl-i Tursun Mihr-i âlemgîrsin baştan ayağa nûrsun Târik-i gülzâr-ı âlem mâlik-i mülk-i adem Münkirine mahz-ı mâtem mü’minîne sûrsun Sensin ol şeh kim Süleymanlar kapında mûrdur On sekiz bin âleme hükmetmeğe memûrsun El benim dâmen senin ey rahmetellilâlemîn Şöhretim isyân benim sen afv ile meşhûrsun Pâdişâh-ı evvelin ü kıblegâh-ı âhirin Evvel ü âhir imâmül enbiyâ mezkûrsun Yâ Resûlallah umarım diyesin rûz-i cezâ Gerçi cürmün çoktur ammâ Itriyâ mağfûrsun