Ana Sayfa Abdullah Tamamlar
Erenlerin yolları inceden ince imiş Süleymân’a yol kesen şol bir karınca imiş Ol karınca söyledi Süleymân’a yol didi Ol karınca söylediği cevâb alınca imiş Götürmedi kimesne kimesnenin güçünü Güç götürdüm diyenler eli irince imiş Kim kime ne dir ise eğer hayr u eğer şer Allah virir cezâsın gele yol ince imiş Gönlüm bana eydürdü seni severem dirdi Gönlüm seni sevdiği dosta irince imiş Gönlüm eydür varayın sana girü geleyin Gönlüm uyduğu bana dostu bulunca imiş Yârenlerim eydürler ‘âşık melâmet gerek Geldi benim başıma ol söz yirince imiş Âşıkın gözü yaşı dün gün dökülür durmaz ‘Âşık kan ağladığı ma’şûk sorunca imiş Dört kitâbın ma’nâsın okudum tahsîl kıldım ‘Aşka gelicek gördüm bir ulu hece imiş Ben dervîşem diyenler harâmı yimeyenler
Harâmın yinmediği ele girince imiş Eydürler fülân öldü mülk ile mâlı kaldı Ol mâlın irkildigi ıssı ölünce imiş İki kişi söyleşür Yûnus’u görsem diyü Biri eydür ben gördüm bir ‘âşık koca imiş X
Bu eser Erenlerin Yolları ismiyle
İlahi kategorisine eklenmiştir.
