Ana Sayfa Abdullah Tamamlar
Ey ehl-i sadâkat gel gir hısn-ı hasîn içre Kim dâr-ı selâm ister ol buldu emân tevhîd Gel habl-ı metîni tut çık ‘arş-ı mu’allâya Geç ‘âlem-i kavseyni cân göre ‘ıyân tevhîd Ashâb-ı şerî’atsan tut hamse-i islâmı Yanmaz o kişi nâra kim buldu o cân tevhîd Her kim diline ekdi dâne-i vahdet bunda Mahsûlu olur mutlak rahmet-i gufrân tevhîd Hükmüne musahhar hep zâhir u bâtın eşyâ Fermân-ı ebed anın hikmet-i Sübhân tevhîd Erbâb-ı tarîkatsan erkânı sakın bozma Erkânsız olanlarda yok durur îmân tevhîd Hep bunda gelen gider kalmaz birisi âsân Sen de er isen vir cân tâ ire her ân tevhîd Gir tâlib-i cânân ol gevher-i yektâya Gavvâs-ı derûn eyle bulmağa ‘ummân tevhîd Ger ehl-i hakîkatsen esrârını keşf itme Münkir-i nâdân ulu düşmendir ey şâh-ı cinân tevhîd Kıldı özünü mir’ât gel cân gözünü aç bak Kevneyne olup mâlik memlûkde ‘ıyân tevhîd Bostân-ı hakâyıkda ‘irfân bitirir dâim Her kangı dile düşse katre-i bârân tevhîd Nakkâş-ı ezel kıldı eflâk-ı sahâyifde Şems ü kamer ü encüm yakdı çerâğân tevhîd Su üzre zemîni gör karbuz gibi vaz’ itdi Âsârı şühûd itdi oldu gülistân tevhîd Nûsûsa-i vâridât âfâk u enfüse bak Ger nâtık u ger sâmit cümlesi Kur’ân tevhîd Sahrâ-yı derûnunda gör ka’be-i ‘ulyâyı Ol kıble-i ‘âlîşân her göze bürhân tevhîd Çü kân-ı ‘ukûl ehli ‘ummâna girüp dalsa Gavvâs olan ‘âşıklar ahz itdi nişân tevhîd Olsa kalem her eşcâr dahi mürekkeb deryâ Yazsa anı her mahlûk olmaya pâyân tevhîd Bir nokta-i vahdetdir mecmû’a-i mevcûdât Hep safha-i ‘unsurda şerh oldu ‘ıyân tevhîd Ol nokta-i sırdandır
âdemdeki ser-nâme Her kim bula ol sırrı oldı Süleymân tevhîd Gör bu Raûfî nitdi tevhîdi beyân itdi ‘Âşık olana pesdir
Hazret-i Kur’ân tevhîd X
Bu eser Ey Ehli Sadakat Gel Gir ismiyle
İlahi kategorisine eklenmiştir.
