Ana Sayfa Abdullah Tamamlar
Libâs-ı fakr ile hubb-i sivâdan geçmedin gitdin Bu yolda zâhidâ ‘ucb u riyâdan geçmedin gitdin ‘İbâdet şâlını berdûş idüp mescid-nişîn oldun Tecerrüd hücresinde bûriyâdan geçmedin gitdin Riyâzat pûtesinde kendini kâl eyledin ammâ Hevâ-yı hall u akd-i kîmyâdan geçmedin gitdin Dürûğ-i maslahat-amîz ile dekkâk olup kaldın Fünûn-i Bû-‘Alî-veş sîmyâdan geçmedin gitdin Reh-i havf u recâda arzû-yı gayrdan geçdin Der-i ehl-i sivâya ilticâdan geçmedin gitdin Dilâ destâr u tâcın bâşına bâr u belâ oldu Bilâ-şâhid bu köhne iddi’âdan geçmedin gitdin Vesîle eyleyüp zühd ü salâhı devr-i ebvâba Ridâ vü taylasan ile ‘asâdan geçmedin gitdin Neden geçdinse geçdin rehgüzâr-ı ‘aşk-ı Mevlâ’da Der-i devlet-medâr-ı evliyâdan geçmedin gitdin Tevâcüdle tasavvufda idersin
şath u tâmâtı Velî zemm-i tarîk-i asfiyâdan geçmedin gitdin Seni irşâd içün meydân-ı tevhîde ider da’vet Kadem-rence kılup bâb-ı Rızâ’dan geçmedin gitdin X
Bu eser Geçmedin Gitdin ismiyle
İlahi kategorisine eklenmiştir.
