Tevbe Kıl

Ana Sayfa Abdullah Tamamlar
Gel berü ey nefse uyan tevbe kıl Gaflet uykusından uyan tevbe kıl Kıl kamu hayrât u ihsâna rücû’ Ez-heme zellât u ‘isyân tevbe kıl Oku tut “tûbû ilallâh” âyetin Nitekim buyurdu Furkân tevbe kıl Hak kne kim dir hak durur “lâ raybe fîh” Çün getirdin ana îmân tevbe kıl Yazığım çokdur diyüp kesme ümîd ‘Afv olur olma perîşân tevbe kıl Dön Hakk’a ne denlü suçun vâr ise Yarlıgar ol Hayyu Gufrân tevbe kıl Di müdâm estağfirullâhe’l-‘azîm Tâ ki rahmet kıla Rahmân tevbe kıl Tâib ol kim tevbeli kullarına Rahmeti Hakk’ın firâvân tevbe kıl Kamu rencin bir devâsı var velî Yazığın derdine dermân tevbe kıl Ol bekâ milkin yarağın kıl hemân Bu fenâ dünyâdan usan tevbe kıl Kanı fermânın eğer âzâd isen Kul isen ol şâha fermân tevbe kıl Râhat u rahmet dilersen tâ ebed Bu devir cevrine katlan tevbe kıl Ey karındaş gel ki bayramdır bugün Atam anam sana kurbân tevbe kıl Ko gümânı gel berü ikrâr ile Hakdır işbu sözüme kan tevbe kıl Ger bizim sözümüze kanmaz isen Var dahi ‘âkillere tan tevbe kıl Cehd ile nefsin divin öldürmeğe ‘Aklını eyle Süleymân tevbe kıl Assı ḳılmaz tevbesiz gidenlere Mâl ü milk ü dürr ü mercân tevbe kıl Şundan ilerü ki nez’a düşesin
Kasd-ı îmân ide Şeytân tevbe kıl Hey ecelden gâfil olma hâzır ol Gelmeden sana yaraklan tevbe kıl Günde yüz kez tevbe kılıncak Resûl İmdi gel sen sad-hezârân tevbe kıl Ma’siyet gölünde dalup kalma gel Mağfiret bahrinde yaykan tevbe kıl “Accilû bi’t-tevbeti kable’l-mevt” didi Mustafâ kavline inan tevbe kıl Pîr olam kılam dime şâyed sana Nâgehân irişe hicrân tevbe kıl Gel berü Şeytân’ı kahr it ey civân Kibri ko ez dest-i pîrân tevbe kıl Âd u sân u câh u şöhret gözleme Dirlik eyle ölümün san tevbe kıl Ne kadar müşkil günâhın vâr ise Ger dilersen ola âsân tevbe kıl Hubb-ı dünyâ şerbet-i Şeytân durur Kan ahî kan yiter iç kan tevbe kıl Ger dilersen tîz ü hoş makbûl ola Mürşid elin tut ve andan tevbe kıl An yazıklarını ağla dem-be-dem İşin olsun âh u efgân tevbe kıl Gaflet ile geçdi ‘ömrün ey deli Vaktidir ahî bir uslan tevbe kıl Fırsatı fevt itme kim mevt iricek Ne beğ ü kul dir ne sultân tevbe kıl Ne eyüye hürmet itmişdir ecel Ne yavuzdan korkar ey cân tevbe kıl Niçe yazık bir Çalab’dan kork ahî Dahi peygamberden utan tevbe kıl Niçe bir hayvân bigi “belhüm edall” Olasın ey gafil insân tevbe kıl Niçe bir hubss u mesâvî fuhş u kizb Gıybet ü herze vü bühtân tevbe kıl Niçe bir beng ü şerâb u çeng ü sâz Gündüz esrük gice hayrân tevbe kıl Niçe bir çok yimek ü içmek harâm Çerb ü şîrîn zîr ü biryân tevbe kıl Niçe bir hubb-ı cemâl ü zülf ü hâl Meyl-i mâl ü ‘avret oğlan tevbe kıl Niçe bir ‘ucb u riyâ vü süm’a zerk Hem hatâ vü sehv ü nisyân tevbe kıl Niçe bir fısk u fücûr u şerr ü şûr Zulm ü cürm ü cevr ü tuğyân tevbe kıl Yürü tevbe kapusu yapılmadan
Tiz girigör ey müselmân tevbe kıl Bâtıl işden geç ökün başına dir Gözün aç çün oldu olan tevbe kıl Gel ki yuyulsun kamu yazıkların Yirine yazılsın ihsân tevbe kıl Hâlık’a dön halka rüsvây olmadan
Kamu türlü ‘ayb u noksân tevbe kıl Uçmaġa uçmağa olur perr ü bâl Hem tamu oduna kalkan tevbe kıl Bir yanan bir kez dahi yanmaz yarın Sabr u fakr ile bugün yan tevbe kıl Hırs itin ‘aşk üzre gâlib kılmagıl Cânı kıl cism üzre arslan tevbe kıl Tevbeye te’hîr yokdur zinhâr Geçmeden bu kutlu devrân tevbe kıl Al Kemâl Ümmî öğüdün şimdiden Assı kılmaz son peşîmân tevbe kıl Ey Çalab son demde yoldaşımızı Dîn ü îmân ile Kur`ân tevbe kıl X