Ana Sayfa Abdullah Tamamlar
Serây-ı şâh-ı ‘âlemden dil-i vîrânemiz yeğdir
Dahi cây-i tecellî dergeh-i halvethânemiz yeğdir
Kalan kesretle dil bahrinde esdâf-ı ma’ârifden Bu dem gavvâs-ı vahdetle çıkan dürdânemiz yeğdir
Dem-i ‘akl-ı ma’âşında kalan şâdân-ı dânâdan Gam-ı Leylâ ile Mecnûn olan dîvânemiz yeğdir
Sürûrî’nin ilmiyle olan hayrân-ı gâfilden Sinân Ümmî gibi ‘ârif olan mestânemiz yeğdir
Recâ etme Fuâdî ni’met-i bisyârı gayrıdan
Bize gayb-ı hüviyyetden gelen yek-dânemiz yeğdir
X
Bu eser Yeğdir ismiyle
İlahi kategorisine eklenmiştir.
