A-Z Dizin search Giriş Yap Kayıt Ol Ana Sayfa visibility Durmaz dilim söyler oldum sırdan yine şikârım var ‘Aceblemen söylediğim sanasın ihtiyârım var Beni hayrân iden her dem ol Vâhid’in esrârıdır
Ötsün yine cân bülbülü bahâr irdi gülzârım var Sır içinde sır dinilen fehm eyledim neydiğini Melek bilmez ne bilsin cin ‘ilm içinde esrârım var Sana bu elfâz-ı ma’nâ nerden gelir dirsen bana Görülmez hattı göz ile cân içinde yazarım var Dahi içeriden haber vireyim kim anlar ise ‘Akıl gönül cânım duymaz bir gizlice bâzârım var Katre bahre irinceğez ‘âşık ma’şûk olur dirler
Gümânım yok gerçek imiş benim buna ikrârım var Her kim görüp gözden süzer hayâline irmez gider Özden seven ‘âşıklara göstereyim dîzârım var Fikr eyledim safâsından benim benden firârım var Ümmî Sinân taşma yürü ‘aklını dir şaşma yürü Geçme hayâ kapusundan sanma sakın zarârım var
Bu eser Durmaz Dilim Söyler Oldum ismiyle
İlahi kategorisine eklenmiştir.
