A-Z Dizin search Giriş Yap Kayıt Ol Ana Sayfa visibility Değildir kimseden ahfâ niçün dirsin nihândır Hû Gözün görmez var ey zâhid nihânsın sen ‘ıyândır Hû Güzer it cümle esmâdan hüviyyet ‘âlemin seyr it İriş sırr-ı müsemmâya nazar kıl ne kândır Hû Dimişler nice gerçi değildir
Hû ismi esmâdan Velî kavli meşâyihden bütün ism-i mekândır Hû Serâser cümle esmâdan fenâ vü ger bekâ içre Ana muhtâc olupdur bil ki cisme fer u cândır Hû Elin çek gel bu gafletden uyan ya mest isen ayıl Ta’alluk eyle bu remzi dehânsız bir zebândır Hû Doğarsa mağribinden gün halâs oldukda senlikden ‘Urûc itmeğe cânâ semâya nerdübândır Hû Dilin tut Nakşiyâ pesdir muhassal cümle-i eşyâ Bu çarh-ı lâciverd içre hayât-ı câvidândır Hû
Bu eser Değildir Kimseden Ahfa ismiyle
İlahi kategorisine eklenmiştir.
