A-Z Dizin search Giriş Yap Kayıt Ol Ana Sayfa visibility Zâhid-i nâdân ‘aceb mi nutku inkâr eylese Âdemiyyet pâyesin bulurdu ikrâr eylese Kadr-i nutku bilmeyenler ‘âlem-i hayvândadır
Sûret-i âdemde her ne denlü reftâr eylese Bilmedikçe sırr-ı devri nutka hem-sır olamaz
Mahzen-i kalbin serâser cümle esrâr eylese Ben kelâm-ı nâtık-ı Hakk’ım niçün didi ‘Alî Remz-i sırrı ‘arif olsa bize izhâr eylese Ân-ı dâimde tasarruf eyleyen kutb-ı cihân Nutk-ı âdemdir hakîkat cümle inkâr eylese Cümle eşyâ nutka mahkûm olduğu azhar durur Hâkim-i mutlak nutukdur kim ki güftâr eylese Nutka tâbi’dir tecellî geh zuhûr u geh butûn ‘Âlem u âdemde devrin her ne mikdâr eylese Bî-nişân-ü- lâ-mekân ü gayr-ı mer’îdir nutuk Cümle-i eşyâ nutukdur her ne kim vâr eylese Sığmayan arz u semâya gönle sığdı hem nutuk Var kıyâs et kim olur nutkun kime yâr eylese Hâne-i Hakk’dır gönül kim hânedânı nutk-ı pâk Cilve-i Hakk nutk iledir ‘arz-ı dîdâr eylese Er dili altında mahfîdir didi merd-i Hudâ Nutk-ı ‘ârif sırrını kâşifdir ihbâr eylese Hakk sözün Mansûr’un ancak yine hem-nutku bilir Zâhid-i hunriz ‘aceb mi anı berdâr eylese İrmeyen kurb-ı ferâiz rütbesine anlamaz
Ehl-i Hakk’ın nutkunu bin kerre tekrâr eylese Her lisânda kâil olan çünki Hakk didi Resûl Munsıfa kâfî değil mi bunu mi’yâr eylese Tercemân-ı Hakk durur bilgil zebân-ı ‘ârifân Hakk’dan alır halka virir her ne îsâr eylese Tâlib-i Hakk bir söz ile hak sözün eyler kabûl Redd ider münkir eğer burhânı sad-bâr eylese Nutk ile iş bitmese gelmezdi suhf ile kütüb Mutlakâ oldur müessir her ne îsâr eylese İrmeyen mâhiyyet-i nutka irişmez vahdete Her dem ü her sâ’atin evrâd u ezkâr eylese Ehl-i Hakk’ın nutkunu ‘irfân-ı sûrî nutkeder Zâhid-i nâdân ne denlü ta’n-ı bisyâr eylese Mebde’-i Feyyâz’dan irer tereşşuh ‘ârifin Bâtınından zâhirine her ne feyz bâr eylese Halka mürşidlik satup da’vâ-yi ‘irfân eyleyen Vâridâtın bâri Gaybî gâhı iş’âr eylese
Bu eser Zahidi Nadan ismiyle
İlahi kategorisine eklenmiştir.
