İtmek İçinmiş

A-Z Dizin search Giriş Yap Kayıt Ol Ana Sayfa visibility Dîde ruh-i dildâra nigâh itmek içinmiş Dil derde giriftâr olup âh itmek içinmiş Pâ-bend-i ser-i zülf idişi gönlümü yârin Mahkûm-ı yed-i baht-ı siyâh itmek içinmiş Pîr itdi beni ‘aşk-ı civânân-ı ser-efrâz Hep tûl-i emel ‘ömrü tebâh itmek içinmiş İhvân hased itse de Yûsuf gibi hoş gör Çâh içre cefâ nâil-i câh itmek içinmiş Ehl-i dile baş eğmesi gâhî süfehânın Aldanma serencâmı külâh itmek içinmiş Mâr itmesi ferzâneleri dâhir-i dehrin Bir lu’b ile bir beydakı şâh itmek içinmiş Kılmış beni Hakk ‘afvını izhâra vesîle Remzî gelişim kevne günâh itmek içinmiş