Ehli Tevhid Olan Cana Can Kurban

A-Z Dizin search Giriş Yap Kayıt Ol Ana Sayfa visibility Ciğerim pâresi gözümün nûru Ehl-i tevhîd olan câna cân kurbân Tâc-ı sa’âdetim sadrım sürûru Ehl-i tevhîd olan câna cân kurbân Fermân-ı Mevlâ’ya itâ’at eyler Emrolduğu gibi ‘ibâdet eyler Nefsini rûhunu hidâyet eyler Ehl-i tevhîd olan câna cân kurbân Ta’dîl-i erkânla kılar namâzı Huzûr-ı kalb ile eyler niyâzı Per-i muhabbetle ider pervâzı Ehl-i tevhîd olan câna cân kurbân Cân ü dilden sever virir zekâtı Kur`ân emriyledir hep harekâtı Îmân ile bulmuş bin berekâtı Ehl-i tevhîd olan câna cân kurbân Şehr-i Ramazân’da tutar savmını Cenâb-ı Allah’dan diler kavmini Tevhîd ile terkeylemiş nevmini Ehl-i tevhîd olan câna cân kurbân Beytullah’ı zâir olmak murâdı Muhabbetullahdır dilde îrâdı “Allâhümme yessir lenâ” feryâdı Ehl-i tevhîd olan câna cân kurbân Sadrını doldurmuş envâr-ı tevhîd Tevhîd ider her dem ezelde sa’îd Kamer-i hidâyet gönlünde cedîd Ehl-i tevhîd olan câna cân kurbân Zıyâ verir hayâ ehl-i îmâna Ehl-i hayâ lâyık olur gufrâna Kurbiyyetler bulur zât-ı Rahmân’a Ehl-i tevhîd olan câna cân kurbân Derûnunda dâim hubb-ı rahmânî Gözünde gönlünde havf-ı rabbânî Lutfî olsun böyle kulun kurbânı Ehl-i tevhîd olan cânâ cân kurbân