Asitanı Devletindir

A-Z Dizin search Giriş Yap Kayıt Ol Ana Sayfa visibility Âsitân-ı devletindir ka’be-i ‘ulyâ bana Ravza-i huld-i berînin cennetü’l-me’vâ bana Ey cemâl-i âfitâbın kıble-gâh-ı ins ü cân Ebruvânın “kâbe kavseyn” kurb-i “ev ednâ” bana Gül-femin reşk-âver gül-gonca-i firdevsdir Dürr-i dendân-ı dehânın dürre-i beyzâ bana Ey leb-i mu’cîz beyânın menba’-ı âb-ı hayât Ey zülâl-i lâ’l-i nâbın kevser-i mâ’nâ bana Ey kelâm-ı mu’cizindir mürdeler ihyâ eden Nutk-ı cân-bahşındır ancak mu’ciz-i Îsâ bana Sen kelâmullahı nâtık olduğun burhânıdır Sûre-i “Yâ-Sîn” ü “Tâ-Hâ” hüccet-i garrâ bana Koyma zulmetde bu Hazmî kemterin eyle halâs Ey vücûdu nûrdan bir âyet-i kübrâ bana