A-Z Dizin search Giriş Yap Kayıt Ol Ana Sayfa visibility Aceb ‘aceb bu kamu ‘ıyş u nûş hep nişe Ki sonu ‘ıyşun u nûşun tiz irişir nîşe Çü ‘usri yüsri bile andı Hakk kelâmında Ne diyü gırre olursın bu nîş olan ‘ıyşe Kanı ‘ibâdet ü tâ’at Hudâ’ya ey gâfil Niçe niçe bu fesâd iş ü bâtıl endîşe Bizim bigine kala mı dilkü şegâle dahi Ki niçe arslan u kaplanı gördü bu mîşe Eğer umar isen ihsânı Hakk’dan anın içün Sen eylük it kamu bîgâneye vü her bilişe Eyü yavuz kişi her n’itse kendözüne ider Yolında şol gelir âhir ne sandıysa her işe Hemîşe genci çü vîrânelerde gizlerler
Pes ey ‘azîz sakın hôr bakma dervîşe Tabîb kılmaya bî-derde hiç ‘ilâc illâ Şu benzi saru gözü yaşlıya ciger-rîşe Eğer muvahhid isen geç mukayyed olma sakın Sol u sağa zîr ü bâlâya vü pes ü pîşe Gel altı yidiyi ko bir yana yönel zinhâr Vir üç talâk ikiye kalma dörde vü bişe Eger hazâin-i bâkî gerekse Ümmî Kemâl Sana kanâ’at u sabrı idinegör pîşe
Bu eser Aceb Aceb Bu Kamu ismiyle
İlahi kategorisine eklenmiştir.
