A-Z Dizin search Giriş Yap Kayıt Ol Ana Sayfa visibility Bu gülzâr-ı fenânın kim bekâdan farkı var yokdur Fezâ-yı mahşer-i dehşet-nümâdan farkı var yokdur Göründi nûr-ı vech-i Kibriyâ mir`ât-ı vechinden Habîb-i Kibriyâ’nın Kibriyâ’dan farkı var yokdur Zevât-ı hams olup zîr-i ‘abâda birleşenlerden Resûl’ün çâr ashâb-ı ‘abâdan farkı var yokdur Nübüvvetle velâyet birbirinde bâtın olmuşdur Anınçün evliyânın enbiyâdan farkı var yokdur Müsâvîdir e’âlî vü esâfil ahz u i’tâda Gedânın şâhdan arzın semâdan farkı var yokdur Bütün Behlûl-meşreb câzibe-dârân-ı tevhîdin Nigâhında gamın zevk u safâdan farkı var yokdur Temeyyüz kesb ider her şey hem itmez vâhidiyyetde Ki isrâfın sefâhetle sehâdan farkı var yokdur Görünmezlikde dil-çâk eylemekde ol kemân kaşın Nigâhı tîrinin tîr-i kazâdan farkı var yokdur Benimçün Mûsâ-yı mu’ciz-beyân dinse münâsibdir ‘Asâ-yı hâmemin çün ejdehâdan farkı var yokdur Dimezler vâsılân ey Şems olup hâmûş-ı hayretde Sıfât-ı pâkinin zât-ı Hudâ’dan farkı var yokdur
Bu eser Farkı Var Yokdur ismiyle
İlahi kategorisine eklenmiştir.
