Gel Tariki Celvetiden Menzili Manaya İr

A-Z Dizin search Giriş Yap Kayıt Ol Ana Sayfa visibility Hizmet it bir ‘ârife var rütbe-i ‘ulyâya ir Himmet-i bâlâ-bülend it ‘âlem-i bâlâya ir Gir tarîkat gülşenine verd-i bî-hemtâya ir Gel tarîk-i celvetîden menzil-i ma’nâya ir Cümle esmâdan murâd müsemmâdır beğim Ma’rifetden bil garaz feth-i mu’ammâdır beğim Bu nukûş-i kevnden maksûd ma’nâdır beğim Gel tarîk-i celvetîden menzil-i ma’nâya ir Tîğ-i gayretle idüp nefsin yakasın çâk çâk Dest-i himmetle serây-ı kalbini var eyle pâk Gel tarîk erbâbının yolunda ol ‘aşk ile hâk Gel tarîk-i celvetîden menzil-i ma’nâya ir ‘Âşık-ı sâdık olanlar mâsivâyı terk ider Ka’be-i maksûda ‘azm idüp gice gündüz gider Bu fenâ vâdîlerin ey dil sülûk ehli nider Gel tarîk-i celvetîden menzil-i ma’nâya ir Her ne denlü vasf idersem Hakkıyâ hakdır tarîk Her tarîk-i hakda vardır lâ cerem ni’me’r-refîk Biri de anın tarîk-i celvetîdir ey sadîk Gel tarîk-i celvetîden menzil-i ma’nâya ir