İsteme

A-Z Dizin search Giriş Yap Kayıt Ol Ana Sayfa visibility Geçmeyince kayd-ı cândan câna cânân isteme Düşmeyince derd-i ‘aşka derde dermân isteme Sen bu yolda vârını bezl itmeyince ey fakîr Var tecellîden gönül tahtına sultân isteme Yanmayınca kül olunca âteş-i mihnetde sen Şol Halîl-âsâ selâmetde gülistân isteme Basmayınca bezm-i ‘aşka vü şevka hakkânî kadem Hızr elinden katrece var âb-ı hayvân isteme Akıdup gözyaşların deryâ-yı ‘ummân itmeden Lü’lü’-i ‘irfân içün bârân-ı nîsân isteme Hakkıyâ “el fakru fahrî”nin gınâsın iste var Devlet-i dünyâya bakma şöhret ü şân isteme