A-Z Dizin search Giriş Yap Kayıt Ol Ana Sayfa visibility Râh-ı Hakk’da sana bir mürşid-i senber bulunur Selb-i sâmânına bir cezbe-i senber bulunur Âteş-i ‘aşk ile dil micmerini pür eyle Cânı ta’tîr idecek ‘ûd ile ‘anber bulunur Çeşm-i ‘ibretle süveydâ-yı dile dikkat it Gönül eğlencesi bir hâl-i mu’anber bulunur Deyr-i kesretde sefîl olma dilin tathîr it Câmi’-i vahdete gel mahfil ü minber bulunur Levha-i hâtırını nakş-ı sivâdan pâk it Hâne-i dilde o mahbûb-ı semen-ber bulunur Râh-ı ‘irfân-ı fenâya tek ü tenhâ gitme Anda îsâl-i zarar itmeğe zenber bulunur Yâr-ı gâr ise Salâhî garazın ‘âlemde Vâris-i Hayder ol elbet sana Kanber bulunur
Bu eser Bulunur ismiyle
İlahi kategorisine eklenmiştir.
