A-Z Dizin search Giriş Yap Kayıt Ol Ana Sayfa visibility Sen ey hâce hiç mi günâh itmedin Ki tevbe kılup bir gün âh itmedin Eğer kul isen pes nişânın kanı Ki hiç hizmet-i pâdişâh itmedin Beline ‘amel kuşağın kuşanup Başına rızâyı külâh itmedin Sözün âdem özün hardır bî-temiz Zirâ fark-ı mâhî vü mâh itmedin Hakka hak deyüp bâtılı kucadın Niçün fi’li kavle güvâh itmedin Seni şekk ü inkâr bu yoldan kodu Ki gâh itdin ikrâr gâh itmedin Nice nefse ‘aklı kılasın esîr Nişe ‘aklı nefs üzre şâh itmedin Ten ü şehvetin ‘askerin sımağa Dil ü cânı mîr ü sipâh itmedin ‘Adû nefs ü Şeyṭân elinden kaçup Sana dost eşiğin penâh itmedin Şu karanu çâha giresin anup Bu dünyâda hiç terk-i câh itmedin Sana son peşîmânın assısı ne Çü yol yarağın gûra râh itmedin Hiç üstüne bir vakt ü dem geçmedi Kim anda sepîdin siyâh itmedin Kaçan bulasın kıymet-i güheri Çü ey kehrübâ terk-i kâh itmedin Ne hercâyî sôfîsin Ümmî Kemâl Şu ‘âlemde bir hânikâh itmedin Adın yol eri geçdi ‘ömrün henüz Delîle uyup ‘azm-ı râh itmedin
Bu eser Sen Ey Hace ismiyle
İlahi kategorisine eklenmiştir.
