Nazar Kılma Nukuşı Gayra

A-Z Dizin search Giriş Yap Kayıt Ol Ana Sayfa visibility Nazar kılma nukûş-ı gayra geç dünyâ vü ‘ukbâdan Eğer duymak dilersen ‘âşıkâ esrâr-ı Mevlâ’dan Gider ârâyiş-i dehri zen-âsâ olma hergiz var Tecerrüd ihtiyâr it merd isen kâlâ-yı dünyâdan Ne denlü pâymâl-i zillet olsan ‘izzetin artar Gürürsün sûret-i ümmîdi bir gün çarh-ı mînâdan Revâ mı ey gönül ehl-i dile dünyâperest olmak Taparken cümle ‘âlem ana sugrâ vü kübrâdan Hemîşe matlab-ı ‘âşık bu levh-i kâinât içre Haber virmek durur lafz-ı mecâzî birle ma’nâdan Yed-i gayret çeküpdür sad-hezârân perdeler yoksa Görürdü herkes ol Yâr’in cemâlini her aradan
Kanı bir mû-şikâf âkil k’ola bu sırra ol vâsıl İde hal ‘ukdeyi hâsıl duya remzi mu’ammâdan Kanı bir nükte-perdâz-ı me’ânî kim hezâr-âsâ Terennüm ide bâğ-ı ma’rifetde sırr-ı a’lâdan Kanı bir âdem-i kâmil ki nutk-ı cân-fezâsından
Hayât-ı nev zuhûr ide bugün sad-sâle mevtâdan Kanı Hızr u kanı İlyâs kanı Îsâ-yı hoş-enfâs Dehân beste haber gelmez ne deryâdan ne sahrâdan Ne yerlerde konup geçmekdedir
Sidre ile Tûbâ’dan Gel imdi âşinâ-yı kulzüm-i deryâ-yı ‘irfân ol İşitmek ister isen bir haber ol dürr-i yektâdan Ne cây-ı ‘âlem-i nâsût olupdur âdem-i kâmil Bakılsa sûret-i esmâ da hoşdur gerçi zâhirde Velî bâtın da hoşdur cümleden duymak müsemmâdan Şular kim içdiler sahbâ-yı zâtı sâkî-i Hakk’dan Ebed ayrılmadılar
şerbet-i câm-ı musaffâdan Bu dergâha girenler kalbi pâk eyler bugün evvel Yürü ey sôfî sâf it kendini âşûb-i sevdâdan Yeter inkâr-ı “lâ” isbât-ı “illâ” kaydına bend ol İriş bir ‘âlem-i ıtlâka kurtul “lâ” vü “illâ”dan Makâm-ı cem’a irüp hall-i terkîb eyle ey Hakkı ‘Anâsır ehline bir bir haber vir küll-i eczâdan