A-Z Dizin search Giriş Yap Kayıt Ol Ana Sayfa Aşk Âdem'i Bednam İder Aşk Âdem'i Bednam İder visibility Aşka heves itme sakın ‘Aşk âdemi bed-nâm ider Rüsvâlığa olma yakın ‘Aşk âdemi bed-nâm ider Gice vü gündüz ağlatır Cân u ciğeri dağlatır Zencîrler ile bağlatır ‘Aşk âdemi bed-nâm ider Dile ne gelse söyletir ‘Aşk hâli zîrâ böyledir
Dipsiz denizler boylatır ‘Aşk âdemi bed-nâm ider Gâh güft ü guyâ düşürür Başına halkı üşürür Tûfân olup gâh taşırır ‘Aşk âdemi bed-nâm ider Gâh cümle şeyden boş olur Gâh zevk ile sarhoş olur Mecnûn gibi bîhûş olur ‘Aşk âdemi bed-nâm ider Gâh diri olur gâh ölü Gâh uslu olur gâh deli ‘Âşıkların budur yolu ‘Aşk âdemi bed-nâm ider Taklîdleri tahkîk ider Mülhidleri sıddîk ider ‘Âşıkları zındîk ider ‘Aşk âdemi bed-nâm ider ‘Aşk hâlini bilen bilir ‘Aşksız bu zevkden ne alır Ne ‘âr u ne nâmus kalır ‘Aşk âdemi bed-nâm ider Gâh hark-ı ‘âdet itdirir Terk-i ‘ibâdet itdirir Halka melâmet itdirir ‘Aşk âdemi bed-nâm ider ‘Âşık olan olur harîk Deryâ-yı ‘aşk içre garîk Sarhoş olur bilmez tarîk ‘Aşk âdemi bed-nâm ider Esrâr-ı Hakk gelse dile Tutar cihânı velvele ‘Aşk koparır hep gulgule ‘Aşk âdemi bed-nâm ider Gaybî idelden sırrı fâş Atılmada her demde tâş Kaldırdı a’dâ cümle bâş ‘Aşk âdemi bed-nâm ider
Bu eser Aşk Âdem'i Bednam İder ismiyle
Ä°lahi kategorisine eklenmiÅŸtir.
