Narı Kübradır Hakikat

A-Z Dizin search Giriş Yap Kayıt Ol Ana Sayfa visibility Nâr-ı kübrâdır hakîkat ‘âşıka ihrâk-ı ‘aşk Nûr eder cân ü dili ihrâk ile imhâk-ı ‘aşk Künh-i zâtdan bî-neseb câzib-nümâ feyz-i ezel Her nesebden ‘ayn-ı gayba hasreder eşvâk-ı ‘aşk Her te’ayyünden çıkup dünyâ vü ‘ukbâ bilmedi Sırr-ı ma’şûkda fenâ ender fenâ ‘uşşâk-ı ‘aşk “Lâ te’ayyün” mebdeidir her te’ayyün menşei “Kâf u Nûn”dan bî-hurûf fermân eder intâk-ı ‘aşk Râh-ı vuslatdır ki ol terk-i terke erdirir Kâse-i vahdet şerâbı feyzidir mihrâk-ı ‘aşk Hissedârı sidre-i seyrân eder tecrîd ile Cezbe-i bârik-nümâ te’sîridir is’âk-ı ‘aşk “Len terânî”den enâniyyet sıfâtın mahv edüp “Bel yerânî” sırrını îmâ eder ıshâk-ı ‘aşk Nisbet-i zâtiyyedir ki zâtı zâta cezb eder Bahr-i nûr-i zâta hayrân etdirir a’mâk-ı ‘aşk “Küntü kenzen” kenzi “ahbebtü” rumûzundan gelir Şems-i zâtı “lâ mekân”dan gösterir âfâk-ı ‘aşk Refref-i seyr-i mu’allâdır harîm-i Hazret’e Kim ki ‘aşk u şevk ile nâil ola ihkâk-ı ‘aşk Rehnümâdır ‘âşıkı vuslatına ma’şûkuna Pertev-i mir’ât-ı cânândır dile burâk-ı ‘aşk Sûret ü ma’nâda şart oldu fedâ nakdi için Bezl-i cân etmek gerekdir evvelâ infâk-ı ‘aşk “Lâ te’ayyün” “lâ mekân”a bil burâk-ı i’tilâ Nûr-i dîdâr âşikâr eyler meh-i işrâk-ı ‘aşk Perde-i nûr-i likâ vasl-ı bekâyı ref’ eder Hep hicâbın selbine bâdîdir istiğrâk-ı ‘aşk Nûr-i mutlak bahrine iğrâk eder ıtlâk-ı ‘aşk ‘Aşk-ı ‘uşşâk vuslata akreb tarîkin sırrıdır
Zehr-i sevdâ-yı sivâ kimyâsıdır tiryâk-ı ‘aşk ‘Âşıkı ma’şûkda mahv u rabt eder bir habl-i nûr Hâili müşkil bir mu’ammâ ‘ukdedir iğlâk-ı ‘aşk Terk-i işrâk etmeyen idrâkden olmaz hissedar Zât sıfât ef’âlde tevhîddir ezel mîsâk-ı ‘aşk Cismini cân eyleyüp cânânına kurbân olan Lahmine sofra-i muhtass-ı gıdâ erzâk-ı ‘aşk Rehn-i kesretden reh-i tahlîs-i cân ister isen Bende-i bend-i sivâyı tîz eder i’tâk-ı ‘aşk Mâsivâ zıll-i hevâdır zulmet-i a’zam sevâd Bast-ı nûr ile basît kalbe bisât ibrâk-ı ‘aşk Râh-ı ebrâr seyr-i ‘uşşâkîne nisbetle serâb Kıdve-i şehrâh-ı kurb-i bî-nişân müştâk-ı ‘aşk Feyz-i vahdetdir ki selb-i gayr-ı ‘aşkın hassası ‘Âşıkı ma’şûkda imhâkla eder ıtbâk-ı ‘aşk Kabza-i kudretle mermi sehm-i sârî lahzada Kim hedefdir mahv olur kılmaz ona işfâk-ı ‘aşk “Kâf” kurba “Şîn” şühûda “Ayn” ‘ayna erdirir Kurb-i ef’âl ü sıfât nûr-i ma’iyyet tâk-ı ‘aşk Dâne-i dünyâ-yı dûna sarf ile nemle sıfat Kadr-i ‘aşkı hedr eder beyhûde bî-ezvâk-ı ‘aşk Bil hakîkatde mecâz evsâh-ı kesret bî-revâc Kân-ı vahdet cevherin teşhîr eder esvâk-ı ‘aşk “Kad sera’l-eşyâü bi’l-esmâi min sırrı’s-sıfât” Cezbe-i kübrâ-yı Hakk’dır Sâmiyâ muzdâk-ı ‘aşk