A-Z Dizin search Giriş Yap Kayıt Ol Ana Sayfa visibility Âşıka sûret-i cânânede Rahmân görünür Sanma erbâb-ı dile şîve-i Şeytân görünür Bu mu’ammâyı bilen ehl-i hakîkat gözüne Bu merâyâda ne hayvân vü ne insân görünür Dedim ey dil tama’-ı vasla düşüp olma melûl Bu visâlin önü hasret sonu hicrân görünür Bir zamân çeşmini her derde devâ bildiğimin Şimdi her kirpiği bir hançer-i bürrân görünür ‘Aşkdan gayrı ne yapdımsa ki hayr u ya şer Her biri şimdi bana ejder-i sü’bân görünür ‘Aşkıdır matla’-ı hilkat hem odur merkez-i nûr Bî-haberler gözüne âteş-i sûzân görünür Okuyan mekteb-i ‘aşk içre kitâb-ı hüsnün Dört kitâbı unutur yâr sözü Kur`ân görünür Koklayan gülşen-i hüsn içre riyâh-ı zülfün Anda ne ‘akl u ne hikmet ne de iz’ân görünür Bağlayan zülf-i dilârâya gönül gerdenin Sâhib-i zülfe ebed bende-i fermân görünür Heves-i nefs ile sûretde kalan ehl-i mecâz Haşre dek ağlasa da hâric-i ‘irfân görünür Âyet-i hüsnüne îmân getiren ‘uşşâka Ne cehennem ne ‘azâbı ne de nîran görünür Küfr-i zülfünde ne sır var ki gören ‘âşıkda Ne mezâhib ne akâid ne de îmân görünür ‘Âşıkın derdi gibi düşmeni çok hemdemi yok Minnet ol yâre ki derdi bize dermân görünür Hamdülillâh ki bu göz kör ise de ‘aşkımla Neye baksam gözüme sûret-i cânân görünür Bana bir âh nice bin vasla bedeldir zîrâ Zevk-i hicri elem-i vasldan
âsân görünür Verme her dilbere dil ‘âşıka bir yâr yeter Âfet-i dildir o kim âfet-i devrân görünür Terk-i cân eyleyeli hâk-i der-i cânânda Vasl u hicrân Kemâlî bana yeksân görünür
Bu eser Görünür ismiyle
İlahi kategorisine eklenmiştir.
