Aşk Durur

A-Z Dizin search Giriş Yap Kayıt Ol Ana Sayfa visibility ‘Aşk durur ‘âşıkları hayrân iden ‘Aşk durur ayıkları mestân iden ‘Aşk durur esrârı ifşâ eyleyen ‘Aşk durur anı yine pinhân iden ‘Aşk durur “ahbebtü” sırrın fâş iden ‘Aşk durur “en u’raf”a îmân iden ‘Aşk durur ‘ayn-ı celâl ile cemâl ‘Aşk durur hem bunları sultân iden ‘Aşk durur bâb-ı Hudâ’ya irgüren ‘Aşk durur ‘âşıkları derbân iden ‘Aşk durur viren dil ü câna hayât ‘Aşk durur cism-i kesîfi cân iden ‘Aşk durur hem Kays’ı mecnûn eyleyen ‘Aşk durur sahrâda hem nâlân iden ‘Aşk durur bir zerreyi şems eyleyen ‘Aşk durur hem katreyi ‘ummân iden ‘Aşk durur derdi veren ‘âşıklara ‘Aşk durur ol derde hem dermân iden ‘Aşk durur tende Fuâdî cân-ı pâk ‘Aşk durur anı yine kurbân iden