Ah Ey Gönülü Bikarar

A-Z Dizin search Giriş Yap Kayıt Ol Ana Sayfa visibility Âh ey gönülü bî-karâr âvâresin âvâresin Her dem firâk u derd ile pür-yâresin pür-yâresin Ey geh bana hem-râh olan geh dönüben güm-râh olan Niçe beni ol Yaradan sen yarasın sen yarasın
Vakti-dürür kim şâhına dönüp gelesin râhına Yüz tutuban Allah’ına yalvarasın yalvarasın
Gâfil ne çok yatdın uyan hırsdır seni yoldan koyan Ger olasın ‘aşka uyan yol varasın yol varasın
Sâfî ol ey kalb olma gerd hem germ ü nerm ol olma serd Düriş ki tâ bir ‘aşk u derd aparasın aparasın
Geç hâle kalma kâle sen aldanma mekr ü âle sen Niçe bu milk ü mâle sen el karasın el karasın
Da’vâların vardır ulu ma’nâda yok senden alu Eyvây ki ey ebleh deli bî-çâresin bî-çâresin İçin yavuz dışın eyü işin riyâ başın kayu Ağla bu göz yaşıyla yu yüz karasın yüz karasın
Hâ tutalım kim şimdi bol milkin var ana mâlik ol Hiç ögüne düşmez mi şol tar kara sin tar kara sin Ey şehvet ovasında ten besleyüben cân inciden Niçe bu hayvân nefsi sen otarasın otarasın
Ey işbu kavlin kâili kim yok cihânın hâsılı Pes sen yâ niçün mâil-i mekkâresin mekkâresin Terk eyle bugün nânını tâ göresin
Sübhân’ını Hem yarın oddan cânını kurtarasın kurtarasın
Hakk’dan Kemâl Ümmî utan çün sen henüz bu uykudan
Durmadın ayruğu kaçan uyarasın uyarasın
Billah ki hîç uyur kişi uyarır mı uyumuşu Uyanık ol kim her işi başarasın başarasın ‘Aşkın yolunda sâdıḳ ol ma’şûk iline lâyık ol Hem evvel âhir ‘âşık ol dîdâra sen dîdâra sen Ey mürşîd-i hâdî n’ola biz azmışı sağdan sola İrşâd idüp doğru yola onarasın onarasın