A-Z Dizin search Giriş Yap Kayıt Ol Ana Sayfa visibility Şöyle kim bî-dil ü bî-cân olmuşam Kendü ahvâlime hayrân olmuşam Gâh beni ben bilmezem kim kandeyem Gâh cem ü gâh perîşân olmuşam Gâh oldum bî-nişân ü gâh bâ-nişân Gâh nişânsız mülke sultân olmuşam Gâh ferişteh olmuşam gâhi peri Gâh dîv ü geh Süleymân olmuşam Gâh oldum Şeyh San’ân-ı zamân Gâh tersâ geh müselmân olmuşam Gâh bulut olup hevâya ağmışam Gâh katre gâh ‘ummân olmuşam Gâh hevâdan yağmur olup yağmışam Gâh nebât ü gâh hayvân olmuşam Gâh od u su yel ü toprak ferd ferd Gâh tıyn gâh tıynda pinhân olmuşam Gâh ısı geh soğuk gâhi i’tidâl Gâh damarlarda girüp kân olmuşam Tenlere cân câna cânân olmuşam Gâh mescid gâh sâcid gâh sücûd Gâh deyr ü gâh ruhbân olmuşam Gâh sâkî gâh sâgar gâh mey Gâh esrik gâh mestân olmuşam Gâh Türk ü gâh ‘Arab gâhi ‘Acem Gâh Hindû gâh Yunân olmuşam Gâh kış u gâh yaz u gâhi bahâr Gâh bülbül gâh gülistân olmuşam Gâh cism ü gâh cevher geh araz Gâh ma’âdine girüp kân olmuşam Gâh berr ü gâh bahr ü geh serâb Gâh ‘imâret gâh vîrân olmuşam Gâh zemîn ü geh zamân gâh âsümân Geh zamânı döndüren ben olmuşam Gâh Tûr u gâh münâcât gâh Mûsâ Gâh Fir’avn gâhi Hâmân olmuşam Gâh irâd gâh mürîd ü gâhi murâd Gâh küfr ü gâh îmân olmuşam Gâh düzeh gâh mu’azzeb geh ‘azâb Gâh cennet gâh rıdvan olmuşam Gâh renc ü gâh renclü geh tabîb Gâh nâle gâh efgân olmuşam Gâh bu cümlesinden oluram berî Ne melek ne cin ne insân olmuşam Eşrefoğlu Rûmî’yem ben kim bugün Kesret ü vahdetde yeksân olmuşam Ben Süleymân-ı zamânım kuşdilim Söylerem ‘âlemde destân olmuşam Nisbetim yok mâsivallaha benim Bir beş on gün bunda mihmân olmuşam Şâhinem şâhım şikâre gelmişem Bu bîşede gör ne arslan olmuşam Saydımı aldım yine döndüm şâha Varuben şahbâz-ı şâhân olmuşam
Bu eser Şöyle Kim ismiyle
İlahi kategorisine eklenmiştir.
