A-Z Dizin search Giriş Yap Kayıt Ol Ana Sayfa visibility Âh ki ‘ömür nakdini kıldın telef Genc-i cevâhir virüp aldın hazef Kadrini bil sen ki ne deryâ idin Her nefesin dür-dürür yüz bin sadef Kanı sanâ’at bu kanâ’at gibi Dünyâda fi’l-cümle tavâif hiref Ma’rifeti rûhuna idin gıdâ ‘Azme uyup nefsine az vir ‘alef Kalma cehâlet zulümâtında kim ‘İlm ile olur kişide her şeref ‘İlm ü ‘ibâdât ile yol vardılar
Her fudalâ vü küberâ vü selef Atana uy ya deden itdiğin it Yâda uyup olma sakın nâ-halef Ahmed ü Âdem-dürür atan deden Yâd didiğim İblîs ü pîr-i hıref Nefsini bil kim bilesin
Rabbini Nite ki buyurdu Nebî “men ‘aref” Cîfe kovar cümle gurâb u kilâb Tûti şeker ister ü bülbül kelef Çarh-ı felek yasının oklarına Kanı siper çün sen olupsun hedef Niçe niçe beng ü şerâb u kebâb Niçe niçe çeng ü kopuz nây u def Niçe niçe ‘azm u sürûr u gurûr Niçe niçe fısk u fücûr u seref Çevre yana dağıluban azma yol İkiliği terk it ü tut bir taraf Fazlın umar Ümmî Kemâl ol Hakk’ın Korku gününde ki diye “lâ-tehaf” Tuhfemiz eksiklik ü yokluk-durur Her yol eri ilticek anda tuhef Müfte’ilün müfte’ilün fâ’ilün Âdem isen olma harîs-i ciyef
Bu eser Ah ki Ömür Nakdini ismiyle
İlahi kategorisine eklenmiştir.
