A-Z Dizin search Giriş Yap Kayıt Ol Ana Sayfa visibility Âdem isen cân u dilden rûh-ı sırdan tut sımâh İdeyim cân sem’ine bir Hakk kelâmı infitâh Cân u gönlün mâsivâdan şöyle tathîr eyle kim Şems gibi zâtın eyle cümlesinden insilâh Hakk’dan iste her murâdı cümlesi Hakk’dan gelir Beter itdin fânî dünyâ hubbuna yeter sudâh Rahmeten-lil-‘âlemîn geldi vü hem basdı kadem Şer’-i pâki cümle şer’i eylemişdir intisâh Nice yüz bin yıl bu meydân içre ‘uşşâk-ı ilâh Sa’y idüp esrâr-ı Hakk’ı eylediler irtisâh “Semme vechullah”ı meşhûd eyle ey zâhid-perest Sür çıkar gayrı öyle gel olma bir dem ibtilâh Ma’nevîyâ nâr-ı ‘aşka cânını remy eyleyüp Pûte-i ‘aşk içre muhkem idegör hoş intıbâh
Bu eser Adem İsen Canu Dilden ismiyle
İlahi kategorisine eklenmiştir.
