Seyyalei Aşkam

A-Z Dizin search Giriş Yap Kayıt Ol Ana Sayfa visibility Seyyâle-i ‘aşkam ebedî nûr-i bekâyem Her zerrede var şu’lelerim şems-i hüdâyem Cevlân-geh edüp arsa-i lâhûtu gezer dil Ekvâna dönüp nâmiye-bahşâ-yı fenyâyem Esdâdı ezüp cem’ ile bir noktaya koydum İksîr-i sürûrumla şifâ-bahş-ı belâyem U’cûbe-i dehrim kederim ‘ayn-ı sürûrum Sırrımla serîrimde safâ-rân-ı hafâyem İskât-ı izâfât iderek vahdete irdim Vahdetle Hudâ lutfuna hem-bezm-i likâyem Bir sırr-ı ‘azîmin olaraķ vâris-i hakkı Bî-pervâ uçaram sırr-ı vücûdumla hümâyem Tevfîk-i Hudâ yâver olup seyr ü sülûke Hatmiyyet ile vâkıf-ı esrâr-ı ‘amâyem Âzâde-serim dağdağa-i havf u recâdan İklîm-i kanâ’atde emîrü’l-ümerâyem Müştâk-ı mecâlîsi olup sulh u salâhın Her şeb beşere zâkir-i âyîn-i du’âyem Sırrındaki ‘ulviyyeti itdikçe tefekkür Rikkatle esef-hân-ı dalâl-i cühelâyem Hurşîd-i ümîdimle mücellâ-yı cemâlem Müstakbeli tezkâr ile hep nağme-serâyem ‘Ahd-ı ezelî subh-ı tecellâda göründü İmhâ-yı leyâl itmeğe bir mihr-i vefâyem Feryâd-ı ceres bedrakadır kûyine yârin Feryâdıma gel rehber-i râh-ı ‘urefâyem Zerrât bütün gulgule-sâz-ı ehadiyyet Ezvâk ile ben sâmi’-i âheng-i nidâyem Raksân iderim dilleri mânend-i küreyvât Cünbüş-geh-i ezkârda ben nây-i nevâyem İlhâm-ı hakîkatle dilim mahrem-i esrâr Kurbiyyeti idrâk ile pür-zevk ü safâyem “Lâ fahre” derim feyzimi tevcîh ile Hakk’a Âdâbda ben tâbi’-i Fahrü’l-üdebâ’yem Ben ben diye duydukca beni eyleme ta’yîb Hakk benliğidir ben ise bir lafz-ı edâyem Yıllarca öpüp hâk-i der-i kutb-ı cihânı Ķalbiyle bugün ķıble-i ‘uşşāķ-ı Hudâ’yem Geylân güneşi sırr-ı zuhûrumda fürûzân Veysî-sıfatım silsile-i ehl-i rızâyem Altmış üç ile dört yüzüyüm cevher-i câmi’ Halvet-geh-i esrârda bir nûr-ı bekâyem Eltâf-ı Hudâ hârika-sâz-ı şerefimdir
Hakk’dan bilirim masdar-ı te’sîr-i du’âyem Âyîne-i sırrımda hüveydâ bütün eşyâ Bi’l-cümle mecâlîye şeref-rîz-i cilâyem Sûretde görüp sanma beni sâkin-i arzem Ben câlis-i ser-menzil-i sükkân-ı semâyem Seyr eyleyerek dâire-i halk ile Hakk’ı Mecmû’a değil câmi’a-i her-dü-serâyem Allah direm raksa girer ‘âlem-i bâtın Zâhirdeki ‘aksiyle de pür-cûş-i sadâyem Tesbîh iderim hâlıkıma lahza-be-lahza Tevhîd ile ‘asrımda vahîdü’ş-şu’arâyem Bir batnım içün bâtını ben eylemem ifsâd Bakmam ruh-i gerdûna şeref-dâr-ı ibâyem Gel gülşenime mâil-i gülzâr ise kalbin Seyyâh-ı riyâzem ezelî bâd-ı sabâyem Fahr itmedeyim Fahr-ı Cihân hubbu dilimde Ser-tâcım odur ‘âşık-ı evlâd-ı ‘abâyem Tezkâr iderim hüzn ile hâl-i Haseneyn’i Eşk-âveriyim sîne-zen-i Kerbelâ’yem Allah’ı Muhammed’dir iden dillere telkîn Ben bendesiyem sıdk ile sadr-ı ümenâyem Kâfî gelemez medhine elfâz-ı kerîme Medhinde anın ‘âciz-i elfâz-ı senâyem Sırrında döner raksa girüp cümle ‘avâlim Feyziyle anın bedraķa-i râh-ı hüdâyem Mir’ât-ı Muhammed’de Hudâ oldu hüveydâ Hakk’ım dime ammâ dime Hakk’dan da cüdâyem Ahmed ki odur nüsha-i kübrâ-yı kemâlât Bâbında anın hürmet içün nûr-ı hayâyem Bir kerre öpen pâyini dirse yeri vardır
Lutfuyla anın ben de kebîrü’l-küberâyem Hakk bendesiyem mülk-i cihân tahtına sâhib Âsûde-dilim bî-keder-i neng ü riyâyem Itlâk ile takyîdi der-i halvete koydum Ben lâbis-i ‘abdiyyet olan şâh u geydâyem Hâcâtını i’lâ iderim dergeh-i Hakk’a Mecdî şeref-ârâ-yı kulûb-ı fuķarâyem