Sen Serveri Kevneyn

A-Z Dizin search Giriş Yap Kayıt Ol Ana Sayfa visibility Sen server-i kevneyn-i mufahhamsın efendim Mansûr u muzaffer şeh-i âlemsin efendim Sen pâdişeh-i a’zam u ekremsin efendim Sultân-ı kerem şâh-ı mükerremsin efendim Sensin sebeb-i mekremet-i Âdem ü Havvâ Sensin sebeb-i nâr-ı cahîm cennet ü tûbâ Sensin sebeb-i arz u semâ arş-ı muallâ Sultân-ı kerem şâh-ı müsellemsin efendim Ey kân-ı merâhim yem-i eltâf u inâyet Gark olsa nola sende şehâ dûzah u cennet Sen rahmet-i âlemsin eyâ bahr-i şefâat Sultân-ı kerem şâh-ı mükerremsin efendim Sen Ahmed ü Mahmûd u Muhammed’sin ezelden Mahbûb-ı Hudâ şâhid-i sermedsin ezelden Sen şâh-ı ser-efrâz-ı müeyyedsin ezelden Sultân-ı kerem şâh-ı müsellemsin efendim Uşşâkı gam-ı aşkın ile muhteşem eyle Bî-çâreleri garka-i bahr-i ni’am eyle MÜŞTÂK-ı günâhkâre nigâh-ı kerem eyle Sultân-ı kerem şâh-ı mükerremsin efendim