Çeşmi Canı Aşıka

A-Z Dizin search Giriş Yap Kayıt Ol Ana Sayfa visibility Çeşm-i cân-ı âşıka nûr-i cilâsın yâ Huseyn Enfüs ü âfâka şems ü meh-i zıyâsın yâ Huseyn Mazhar-ı nûr-i celîl-i ıstıfâdır hilkatin ‘Umde-i nûr-i yakîn-i ictibâsın yâ Huseyn Nûr-i lâhûtun muhît-i bahr-ı envâr-ı şuhûd Sen şeh-i ma’nâ-yı kuds-i dü-serâsın yâ Huseyn Vâlidin “Şâh-ı Velâyet” mâderin “Zehrâ Betûl” Sen ciğerpâre-i “Mahbûb-i Hudâ”sın yâ Huseyn Hanedânın ehl-i mahşere sâkî-i kevser iken Sen suzsuzlukdan “Şehîd-i Kerbelâ”sın yâ Huseyn Âsitân-ı Hazretinde bendedir cümle cihân Zübde-i nûr-i Muhammed Mustafâ’sın yâ Huseyn Bahr-i nûr dürdânesidir mâye-i aslın senin Sen zıyâ-yı akdes-i ‘arş-ı ‘ulâsın yâ Huseyn İbtilâ künhiyle buldun ictibâ-yı zât-ı Hakk Sen şefî’-i ekber-i yevmü’l-bekâsın yâ Huseyn Bâb-ı lutfunda eder Sâmî kulun hep istimdâd Sen huzûr-i Hakk’da makbûlü’r-recâsın yâ Huseyn