A-Z Dizin search Giriş Yap Kayıt Ol Ana Sayfa visibility Bu cism ü sûret içime görünüp-durur ol cân Arada hicâb yok neye gerek çün ki burhân Bu ay u gün gice gündüz insâna kulluk eyler İnsân içün döner ahî bu gerdiş-i devrân İnsâna mevcûd olupdur bu sahibü’l-vücûd İnsâna sıfatını söyler külli bu Kur`ân Cümle eşyânın insân iki enîsi oldu İnsâna doğru bak eğer değil isen hayvân Bu ‘ilm ü hilm kıyl ü kâl bunun gibi esrâr Görünür insân yüzünde güneş gibi ‘ayân Bu bir sihr yer ü gök dahi ne kim var-durur Bir insânın vücûdunda olupdur bu pinhân İnsân çü düzülüpdür ol cihândaki tertîb Cennet ü hûr-ı cinânın maksûdudur insân İnkâr idenin insânı hîç ikrârı yokdur İnsân ile zîrâ ‘ayân oldu ki o sultân İnsân-ı kâmil işidir ‘ibâdet ü takvâ Bu zühd ü tâ’at savm u salât bu edeb erkân İnsâna âdem benzer işi çok dîve benzer Yüz binde biri olsa hemîn ola bu hemân Yolundan ey gönül sen yolun gözle bu yolun Gördü nice senin gibi dûn köhne bu vîrân Her kim bu girüye geldi geçmek gerek nâ-çâr ‘Ömr hisâbı tükenir kimseye virmez amân Dermân bu derde bulamadı Felâtun üstâd Bu rence ne keffâretdir ey bilmedi Lokmân Cânındaki derd senin çü bu ‘aşkdan olupdur Sana bu derd hemîn ola yine gerek dermân Bu hâli ki anladın ise ey Kaygusuz Abdâl Bu nasîhati sen işit ey bir özün bulan
Bu eser Bu Cismü Suret ismiyle
İlahi kategorisine eklenmiştir.
