A-Z Dizin search Giriş Yap Kayıt Ol Ana Sayfa visibility Zülfünü istersen ol ism-i celâle muttasıl Kim celâlin mâverâsıdır cemâle muttasıl Ber-taraf ol dünyeden her rûz u şeb misl-i hilâl Râki’ ü sâcid ol bedr-i cemâle muttasıl Baş çekme hükm-i Hakk’dan olma mânend-i hilâf Meyve büker gerdenin ger olsa dala muttasıl Bil le’all-i sevfdir zâyi’ iden sermâyeni Nice virirsin vücûdu ihtimâle muttasıl Bu vücûdun hırkasın kanlı yaşınla al kıl Tâhir ü tayyib gerek olmağa ala muttasıl Dâimâ alçağa düş gözetme ‘âlî mertebe Olasın tâ verd-i hoş-bûye çü jâle muttasıl Başını top it dü-tâ olup dolaş maksûduna Bedr-i hemtâ olasın mânend-i hâle muttasıl Ne gurûbun gamını çek ne tulû’a gırre ol Cümlesin takdîr-i Hakk’a kıl havâle muttasıl Devr elinden sunmalar tam dolusun nûş itmeler
Pür iken boşalmalar düşüp melâle muttasıl Meclis-ârâ olmalar her fâika dil virmeler
Ser-fürûdan oldu ashâb-ı celâle muttasıl Şeyhî kıyl u kâlden kıl denlü bulmadı vefâ Şimdi lâzımdır ola bir ehl-i hâle muttasıl Bu’d imiş bî-‘aşk zühd zındıka bî-zühd-i ‘aşk Cem’ül-cem’ içinde eyle yağı bala muttasıl
Bu eser Zülfünü İstersen ismiyle
İlahi kategorisine eklenmiştir.
