Muhammed Mustafa'dır Bu

Muhammed Mustafa'dır Bu Muhammed Mustafa'dır Bu Muhammed Mustafâ’dır bu Habîb-i Kibriyâ derler ‘Aliyyü’l-Mürtezâ’dır bu ezel şîr-i Hudâ derler
İmâm-ı enbiyâdır bu emîr-i evliyâdır bu Ezel nûr-ı hüdâdır bu dü-‘âlem muktedâ derler
Hudâ’nın nûru Ahmed’dir Habîbullah Muhammed’dir Bu ümmete ne devletdir kamu derde devâ derler
Der-i dergâh-ı Mevlâ’dır bu bir kadr-i mu’allâdır Bu menzil-i tecellâdır kadîmî rehnümâ derler
Bütün ‘âlemlere rahmet odur ebvâb-ı merhamet Bulur devlet olan ümmet kerem-kânı vefâ derler
Kulun Lutfî bu dergâhda seni gözler o her gâhda Kalır mı bu penâhgâhda sana dârü’ş-şifâ derler