Her nefesde bir tecellî-i Hudâ ister gönül Kendine bu gurbet içre âşinâ ister gönül Görmeğe âyînesinde pertev-i nûr-ı Hakk’ı Hâkipây-i Mustafâ’dan tûtiyâ ister gönül Nice bir bâğ-ı fenâda zâr ide dil bülbülü Bir hazân irmez gülistân-ı bekâ ister gönül Bir şeb-i mi’râc içün bin şem’ uyandır cânına Şem’-i Hakk’dan şeş cihâtında zıyâ ister gönül Devlet-i dünyâ vü ‘ukbâ çünki tecrîd içredir
Ne kabâya meyl ider ne hod ‘abâ ister gönül Hakkıyâ mahrem bulunmaz râz-ı ‘aşka bu zamân Halk-ı ‘âlemden anınçün ihtifâ ister gönül
Bu eser İster Gönül ismiyle
İlahi kategorisine eklenmiştir.
