Ey birâder olma gamnâk yarının rızkı içün Ki ölüm vardır gice gündüz hemân anı düşün Hem düşünme geçmişi gelmez giden ‘âdet değil Her ne ki virdiyse Rezzâk yi kanâ’at it bugün Ölümü çok zikr iden dünyâya bakmaz istemez
İdemez ‘avrat u oğlan hem ol âgâhı zebûn Fahr-ı ‘âlem ölümü çok zikr idin dimiş bize Dahi lezzetler yıkıcı mevt dimiş ol zû-fünûn Kesbi terk itme anı Mevlâ bize kılmış sebeb İt müsebbeb rızkı kesb it yi yidir olma harûn Tanrı virmiş bir sebeb her birine halkın kamu Kesbe sa’y iden olur fakrın hümûmundan masûn Di Hudâ’dır rızkı viren itme kesbe i’timâd Rızkı Hakk’dan bilmeyen bî-çârenin fi’li cünûn Eyle tevhîde devâm âbdestli âbdestsiz dahi İdüp istiğfârı yüz kez tevbe suyu ile yun İtme kullukda kesel uyma revâfız sözüne Şer’a ta’zîm itmeyen mülhid behâimden de dûn Bunu her kim ki okur ya işidir ana Hudâ Vire cennetde ni’am kim görmemişdür hîç ‘uyun Cem’-i dünyâ eylemekden kıl hazer olma harîs Çün kifâf mikdârı ni’met artığıdır nâr-ı nûn Eyle iksâr zikr-i mevti dâimâ Kuddûsîyâ Ki olasın hubb-ı dünyâdan emîn safî-derûn
Bu eser Ey Birader Olma ismiyle
İlahi kategorisine eklenmiştir.
