Bir iki gün ‘ömr içün çekmek niye bunca elem Ki cefâ-yı hâr-ı firkat çekmeğe endüh u gam Çün geçer her nev’ ile lutf olsa yâr cevr ü sitem Hoş geçirelim hele şimdiki eyyâmı bu dem ‘Âkıbet geçer ne olsa çün serencâm-ı cihân Bâri eyyâmın iyilikle geçir dürüş hemân Hoş geçirelim hele şimdiki eyyâmı bu dem Kılma ziyâde imâret eylemek içün makâm Kodu gitdi çün yapanlar niçe niçe hâss u ‘âmm ‘İşret ile almadan bu dehr senden intikâm Hoş geçirelim hele şimdiki eyyâmı bu dem Hâk olup tahte’-s-serâda olmadan ‘azm-i ramîm ‘İşrete sa’y etle ihsâna dürüş kıl ey hakîm Çün gelen geçer burada bir ehad kalmaz mukîm Hoş geçirelim hele şimdiki eyyâmı bu dem Dostlar geçer ne nev’ ile olursa rûzigâr Çekme gam gussa yime devrân değildir ber-karâr Gâh kabz u gâh bastdır ‘âleme dâim medâr Hoş geçirelim hele şimdiki eyyâmı bu dem Müşkil ü âsân geçer durmaz bu devrânın işi Pes niye zevk-i visâl ü niye hicrân ateşi Vasla şâd olma akıtma sûz-i hicrânla yaşı Hoş geçirelim hele şimdiki eyyâmı bu dem Gey sakın kılma ‘imâret itmeğe bunda heves Kim nedâmet çekmeyesin son dem ü âhir nefes Ye yedir ihsân idegör nitekim var dest-res Hoş geçirelim hele şimdiki eyyâmı bu dem Çün sonu tahte’s-serâdır ‘âkıbet me’vâ bize Pes niçündür bilmezem bu denelü bu gavgâ bize Dem bu demdir iyi gör n’olsa gerek ferdâ bize Hoş geçirelim hele şimdiki eyyâmı bu dem Çekme gel yok yere gam yarın nice ola dime Mihnet ü endüh ile ‘ömrünü zâyi’ eyleme İki kerre ey Hayâlî kimse gelmez ‘âleme Hoş geçirelim hele şimdiki eyyâmı bu dem Geç ta’allukdan
Hayâlî mutlak u âzâde ol Olma serkeş od misâli hâk-veş üftâde ol ‘Âkıbet geçer günün esfelde ger a’lâda ol Hoş geçirelim hele şimdiki eyyâmı bu dem
Bu eser Hoş Geçirelim Hele ismiyle
İlahi kategorisine eklenmiştir.
