Lutfı Hakk'da Ey Gönül

Lutfı Hakk'da Ey Gönül Lutfı Hakk'da Ey Gönül Lutf-ı Hakk’da ey gönül şübhen mi var Bâğ-ı dilde açdı gül şübhen mi var Çün Muhammed’dir serinde bâl-küşâ Hiç erişmez sana züll şübhen mi var Sen şefâ’at ondan iste mutlakâ Çün odur şâh-ı rusül şübhen mi var Hakk’ı istersen yolunca git onun Çün odur hayrü’s-sübül şübhen mi var Sâyesinde şâd olursun Fevziyâ Terk-i ihvân eyle gel şübhen mi var Böyle dedi oldu çeşmimden nihân Görmedim tekrar onu hiç bir zamân Ola bed’ ü hatmi her hayrü’l-kelâm Cân ü dilden es-salâtü ve’s-selâm Yâ ilâhî ism-i a’zam hakkıyçün Eşref-i ebnâ-yı âdem hakkıyçün Matla’-ı nûr-ı Muhammed hakkıyçün Hâmid ü Mahmûd u Ahmed hakkıyçün Nûr-ı Kur’ân sırr-ı Furkân hakkıyçün Kadr-i pâk-i ‘ilm ü ‘irfan hakkıyçün Vahy olunan enbiyânın hakkıyçün Hakk’a vâsıl evliyânın hakkıyçün Bâ-husûs ezvâc u ashâb hakkıyçün Âl ü hem evlâd-ı encâb hakkıyçün Hem Şehîd-i Kerbelâ’nın hakkıyçün Vâkıf-ı fevka’l-ulânın hakkıyçün Müstecâb kıl kâffe-i da’vâtımız Hem revâ kıl ‘âmme-i hâcâtımız Bâb-ı cûdunda cem’îmiz sâiliz Ni’met ü ihsânına hep mâiliz Biz kuluz bâbından aslâ gitmeyiz Hâlimiz diğerlere arz itmeyiz El-amân u el-amân Rabbü’l-‘ibâd Ber-murâd et kıl bizi mesrûr u şâd Bî-hisâbdır bizdeki cürm ü günâh Sad-hezârân tevbe olsun yâ ilâh Âb-ı gufrânınla tathîr kıl anı Bahr-ı rahmet bî-kenârdır yâ Ganî Oldu mevlid Beyt-i Makdis’de tamâm Kıl kabûl çün oldur aksâ-yı merâm Çünkü ihsân eyledin yâ Rab bana Evvel ü âhirde hamd olsun sana