Ağlayu Geldim Cihana

Ağlayu geldim cihâna ağlayuben giderem Böyle geldi gitdi âhir cümle cumhur-ı ümem Ey gönül bu bir iki gün ‘çün niye bu tumturak ‘Âkıbet fikrini eyle çün sana oldur ehemm Baruban devşirüp esbâbın müheyyâ eylegil Kûs-i rıhlet çalınanda çekmeyesin tâ elem Aldanup dayanma dehrin iki gün lezzetine Çarh-ı gaddâra dayanan âhiri çekdi nedem Bu cihân benim deyü hâkân olanları göre Düşmenine koyup âhir gitdi Dârâ’yla Cem Râhat olaydı olurdu bunda Fahr-ı Enbiyâ Çün ana kalmadı kalmaz bana sana dahi hem Gitmedi mi hasret ile hayf idüp şâh-ı ‘Arab Olmadı mı zillet ile Kayser ü şâh-ı ‘Acem Kalma yoldan oyalanup yürü kim durmaz refîk Fırsatın fevt etme kim devrân hemîn demdir bu dem Evvel âhir geldi gitdi hasret ile hayf ü idüp Şâh u dervîş ü ganî vü bî-nevâ vü bây hem Dâr-ı dünyâ bir meşakkat-hânedir kim her gelen Tâ olunca çâk-serdir mihnet ile kahr u gam Ölmek imiş âhiri âsân eğer müşkil derler
Ey Hayâlî bes yeter derdime dahi biş ü kem