Gülmeden ağlamadan el yuyalım Cümle her mâcerâdan el yuyalım Dalalım bahr-i ‘aşka Yûnus-vâr Cûybâr-ı hevâdan el yuyalım Ey gönül în ü ândan ‘uzlet idüp “Men”i terk ile “mâ”dan el yuyalım Şîşe-i ‘ârı taşlara çalalım Âb-ı rûy-i fenâdan el yuyalım Derd ile göz yaşın edüp sâil Gel cevâb-ı şifâdan el yuyalım Rûz u şeb hâss u haddini analım Gayrı ağ u karadan el yuyalım İçelim câm-ı gam dolularını Mey-i zevk u safâdan el yuyalım Virelim cân metâ’-ı derd alalım Gayrı bey’ ü şirâdan el yuyalım Zâhid-i huşki ter düşürmek içün Âbdest-i riyâdan el yuyalım Hayretî hûn-ı dille gasl idelim Çeşme-i mâsivâdan el yuyalım
Bu eser El Yuyalım ismiyle
İlahi kategorisine eklenmiştir.
