Zâhidâ var atma taşı ol ki beytullah ola Yıkma anın kapusun ol evde kim Allah ola Gerçi zâhir göz ile gördün fenâ-ender-fenâ Gâfil olma bâtını gör küntü kenzullah ola Ehl-i ‘aşkın dinler isen vasfını bir zerre gel Söylemezdim işbu râzı illâ iznullah ola Şöyle bil irmeyiserdir ayağı tozuna el Ehl-i derdin ‘aşk elinden çün ki fazlullah ola Münkir olma sırr-ı veche aç gözün bak sen de gör ‘Âşıkı hayrân iden tevhîd-i zâtullah ola Ehl-i ‘irfânın cevâbın sanmanız efsânedir Cân gözünden görülen hatm-i kelâmullah ola Vâridât-ı zikr-i kalbîdir ana ilhâm olan Hâs ile hâs olmağa hâlis ere irmek gerek Girüben seyrân idesin kalbi ‘arşullah ola Zâhidin güftârını fehm eyledüm külli recâ ‘Âşıkın her kavli fi’li hasbeten-lillah ola Cân ilinden câmını sundu bize cân-ı safâ Cür’ayı nûş idevüz cân habibullah ola Kim ne bilsin zâhirinde çün görünen hırka şâl Ehl-i derdin belki sırrı ceng-i fazlullah ola ‘İlm-i hikmet ehline söyle ledünnî terkîbin Cân ilinden görülen fehm eyle sırrullah ola Ey Sinân Ümmî ne bilsin sırr-ı remzi ehl-i zevk Dersi “illâ”dan okurlar ‘ârif-i billah ola Ümmi Sinan
Bu eser Zahida Var Atma Taşı ismiyle
İlahi kategorisine eklenmiştir.
