Ey dil nazar eyle gel bu cihâne Niçe bir zâr idersin yâne yâne Melâmet kisvetin giydin bâşına Dem-be-dem ‘aşk ile oldun revâne Yakdın vücûdunu külhân eyledin Fenâ vermek dilersin cism ü câne ‘Âciz kaldım âvâreyem ilâhî Ne kılam ki bu dil ‘aşkdan usâne Gönül bir kim fenâ kim bekâ ister ‘Âşıklar yanmağa geldi cihâne Nemdir benim cism ü ten neme gerek Himmet eylen erişem bî-nişâne Mâlım bâşım cânım kurbân yoluna Kim ki beni irgüre lâ-mekâne Kim bilir kim nedir sevdiğim benim Başına gelmiş gerekdir inâne Derde uğramayan neyler tabîbi Kulmaşdır deyüben söyler yabâne Halk-ı ‘âlem hâlin bizden sorarsan Düşdüler ‘âşıka zann u gümâne Ger nebîdir ger velîdir ger gedâ Her birine bulurlar bir bahâne Makbûl-ı Hakk olan merdûd-i halkdır
İstemezler anı şimdi zamâne Mürşidinden gayrı yere bir nazar Kılmaz ‘âşık olan olur dîvâne ‘Aşk ile mürşide verdi vârını Zâhir bâtın kim ki erdi cânâne Cümle murâdını sen ver ilâhî Kim ki du’â kıla Ümmî Sinân’e Ümmi Sinan
Bu eser Ey Dil Nazar Eyle Gel Bu Cihane ismiyle
İlahi kategorisine eklenmiştir.
