Gel Hazrete Müştak İsen

Gel Hazret’e müştâk isen dinle bizim ahbârımız Tehî görme şimdi bizim Hakk iledir bâzârımız Ben Dost ile dost olalı cân safâdan mest olalı Gitdi şimdi elimizde değildir ihtiyârımız ‘İlm-i esrârdan sözümüz ol Dost’a bakar gözümüz Hakk varlığı şimdi bizim bahâr eyledi şârımız Dilimde zikr eylediğim gönlümde fikr eylediğim Gayrı değil şimdi hemân hakdır bizim ikrârımız Hakk varlığı geldi bize cân bâğını kıldı tâze Bülbül olan gelsin beri bahâr oldu gülzârımız Dost meyini kime suna kor cân u bâşı meydâne Anın içün esrik-durur şimdi bizim güftârımız Ol Dost bana oldu yakîn varlığıma saldı akın Söylemekde men ‘âcizem dile gelmez esrârımız Hakk’a yakîn olan kişi terk ider yâdı bilişi Gitdi bizim yâdımızdan bilişimiz ağyârımız Ümmî Sinân’ı aradan
çıkardı bugün Yaradan
Oldur hemân sır ilinde okurumuz yazarımız Ümmi Sinan