Gel Şefaat Kıl Dizarını

Gel şefâ’at kıl dîzârını görem yâ Mustafâ Boynum eğüben nazarında duram yâ Mustafâ Sen Yûsuf Mısr’a sultân ben Zelîhâyam bugün Yâ ne vaktin nûr-ı vaslına irem yâ Mustafâ Bülbülem ‘aşkın elinden eylerem âh u figân Vahdetin bâğında güllerin direm yâ Mustafâ Hûb cemâlin şem’ine pervâneyem ey lutfu çok Görsem envârını zârım artıram yâ Mustafâ ‘Aşk derdin câna pür-tâb eyledi bir zerrece Gelmişem meydân-ı ‘aşka Mansûram yâ Mustafâ Keşf kılsan sırr ile câna ledünnî ‘ilmini Nicedir ‘âşıklarına gösterem yâ Mustafâ Cân u dil dir ‘aşkın ile ‘âleme rüsvây olam Nâmûs u ‘ârım şişesin ben sıram yâ Mustafâ Gönlümü yağmaladı derdin beni kıldı fenâ Her kimi görse gözüm seni soram yâ Mustafâ Halk-ı ‘âlem hâlinin her birinin var bir işi Rûz u leylî her dem işim ben direm yâ Mustafâ Yüz karalığından âhar armağanım yok sana Cân u dil her dem sana ider kerem yâ Mustafâ Leylî yüzün hasretinden kalmadı sabr u karâr Mecnûn oluban yolunda ben duram yâ Mustafâ Cân fedâ olsun cihân şâh beği berri yoluna Kal’a-i gevher-nigînden umaram yâ Mustafâ Derdin urdu yüreğime şerha şerha yaralar Sen şefâ’at merheminden vir saram yâ Mustafâ Çâr-ı yârin zevkini keşf ideliden cânıma Sırlarına çok senâlar iderem yâ Mustafâ ‘İzzet-i lutfundan irdi cân senin esrârına Kimse bilmez kim bu dil ne söylerem yâ Mustafâ Himmet eyle dü cihânın bâğına bend olmayam Menzilim sana irincey’dek sürem yâ Mustafâ Dir Sinân Ümmî kaçan kim vâsıl ola cân sana Dü cihân zevki bana olsun harâm yâ Mustafâ Ümmi Sinan