Gel ey cânân ilinden cân gözün aç uykudan uyan ‘Aceb gaflet şarâbından nice bir olasın hayrân Yedirmişdir sana nefsin bunun mekri ta’âmından ‘Aceb bu dâr-ı dünyâda nice bir olasın sekrân Gel ey gâfil kanı ‘aklın tefekkür kıl kanı fikrin Ola kim asl-ı a’lâdan erişe derdine dermân Diye Allah ki bir silkin erenler yoluna bir gün İçersen vahdetin câmın olasın tâ ebed sultân Eğer benden haber sorsan hakâyık şehrine vardım Var anda bir ulu sultân seninle dost imiş her ân Sana çok türlü armağan benimle eyledi irsâl Getirdim sana ol dostdan teberrük la’l ile mercân Dahi sana selâm etdi benimle hoş kelâm etdi Dedi tiz gelsin uş bunda anındır bu ulu meydân Oturmasın ki durmasın anı avlamasın ağyâr Gözetmesin ki bir dâne tutar fak nite kim tayrân Uyup bir ulu kervâna yolumda pehlivân olsun Tutarlarsa harâmîler ederler kahr ile yeksân Şerî’atda tarîkatda kılavuzlar edüp irsâl Anı bunda getirmeye temâmet eyledim burhân Eğer adım dile alsa yolu doğru bana gelse Ganîyem rahmetim çokdur ederem lutf ile ihsân Dedi ol dâr-ı mihnetde karâr eylemesin aslâ Ki zîrâ köprü üstünde kimesne eylemez evtân Ayırmasın
özün benden çevirmesin yüzün benden Ki bende saklayam anı ki hergiz bulmaya düşmân Dahi her ne ki verdimse ana anda emânetdir
Benimdir sanmasın lâkin ederem hükmüne fermân Yanılmasın bazârında ki merd olsun şikârında Hüner kılsın nazârımda benim yolumda versin cân Dü ‘âlemden güzâr kılsın ne kim görse hazer kılsın
Gelüp vahdet sarâyında kurulsun tâ ebed eyvân Dahi böyle hezârân bin terahhumlar edâ kıldı Velâkin bu dilim kâsır ‘akıl ermez kılam tibyân Gel ey tâlib eğer sen de taleb kıldınsa ol Şâh’ı O Sultân’ın firâkından kılasın her seher efgân Eresin kâmil insâna koyasın başı meydâna Gerek kim kıyasın câna ola kim buluna ol Hân Gel ey miskîn-i bîçâre niçün uyarsın ağyâre Seni vasl eylemez yâre takarsa boynuna urgân İlâhî cümle ‘âcizdir senin yolunda bu kullar
Gel olmaya eğer senden kimesne bula mı Rahmân Sinân Ümmî kulun senden diler her dem bula ihsân Anınçün kalbine ilhâm edersin fâş olur ‘irfân Ümmi Sinan
Bu eser Gel Ey Canan İlinden Can ismiyle
İlahi kategorisine eklenmiştir.
