Nice Müddetden Beri Didarı Yari Gözlerim

Nice müddetden beri dîdâr-ı yâri gözlerim Zülf-i sünbül kâkül-i gül müşg-bârı gözlerim Derd-i dilberden derûnum dâğ-ı lâle dâğıdır Gerden-i sîm hâl-i mercân zer-‘ıyârı gözlerim Gül-gülistân-ı melâhat bir kamer-tal‘at güzel Hurşîd-i arş-ı mehâsin nûr dîdârı gözlerim Sâye saldı başıma ol şâh-ı kişver-i zemân Hâk-i pâyinden gözüme bir gubârı gözlerim Böyle bir zât-ı kerem-şân âleme hurşîd-veş Ol dürür mâh-ı muzayyâ yâr-i gārı gözlerim Âsitân-ı devletinde Kıtmîr’i olsam n’ola Yüz yere koy Lutfiya sen iftihârı gözlerim Alvarlı Efe Muhammed Lütfi Hazretleri