Zâ’ir-i mey-hâneyim muğ secdesidir tâ’atim Aşk pîrim nakd-i can nezrim tevekkül niyyetim Her saru baksam surâhî tek sücûd etmek işim Kanda olsam bâde tek düşmek ayağa âdetim Tavrıma zâhid eger sûrette eyler i’tirâz İhtilât etsem anı şerm-ende eyler sîretim Bes ki câm-i mey kimi hoş-meşreb ü sâfî-didim Hürmetim vâcib tutar her kim bilir keyfiyyetim Mu’teberlerdir gurûr ehli ben andan fâriğim İtibâra çün değil kâbil muhakkar hey’ettim Aşk erbâb-i riyâdan fâriğ etmiş gönlümü Fakr esbâb-i alâyıktan götürmüş rağbetim Ey Fuzûlî fakr toprağında devlet iste kim Sâye ol toprağa salmıştır hümâ-yi himmetim Fuzuli
Bu eser Zairi Meyhaneyim ismiyle
İlahi kategorisine eklenmiştir.
