Aşktan cânımda bir pinhan maraz var ey hakîm Halka pinhân derdim izhâr etme zinhâr ey hakîm Var bir derdim ki çok dermandan artıktır bana Koy beni derdimle dermân eyleme var ey hakîm Ger basıp el nabzıma teşhis kılsan derdimi El-emânet kılma her bî-derde izhâr ey hakim Ger benim tedbîr-i bih-bûdumda sen bir sa’y kıl Kim olam bu derde artıkrak giriftâr ey hakîm Gör ten-i uryân ile ahvâlimi hicran günü Var imiş rûz-i kıyâmet kılma inkâr ey hakîm Çekmeyince çâre-i derdimde zahmet bilmedin Kim olur dermân-i derd-i aşk düşvâr ey hakîm Renc çekme sıhhat ümmîdin Fuzûlî’den götür Kim kabûl-i sıhhat etmez böyle bimâr ey hakîm Fuzuli
Bu eser Aşktan Canımda Bir Pinhan ismiyle
İlahi kategorisine eklenmiştir.
