Yüzünden halk-ı âlem pür ziyadır
Ya Resulallah Siyah gözünle kaşın dil-rübâdır Yâ Resûlallah Ruhin şevki ile gökte tarab eyler kurûbiyyûn Halâyık aşkına hep mübtelâdır Yâ Resûlallah Dehânın nefhası vasfın edebilmez melek insan Ki medh eden seni bizzat Hudâdır Yâ Resûlallah Mu’anber sünbülin şevkiyle yanar rûz u şeb gönlüm Dişinle Arş-ı A’zam rûşenâdır Yâ Resûlallah Dudağın lezzetine âb-ı Kevser selsebîl uymaz Lisânın tercümân-ı rehnümâdır Yâ Resûlallah Vücûdın bâ’is-i halk-ı semâvat cümleye rahmet Diyen ol Hâlik-ı arz u semâdır Yâ Resûlallah Dahi re’s-i hümâyunın yukaru yedi kat gökden Mubârek ayağın tahte’s-serâdır Yâ Resûlallah Çün oldı cism-i pâkin mübtedâ bu kâinâte çün Yine ol kâinâta müntehâdır Yâ Resûlallah Teşerrüf ederiz ism-i şerifin eylemekle yâd Bi-külli derdlere zikrin devâdır Yâ Resûlallah Ne mümkündür bu Kııddûsî fakir meddâhın olmak kim Murâdı rûz-ı mahşerde likâdır Yâ Resûlallah
Bu eser Yüzünden Halkı Alem ismiyle
İlahi kategorisine eklenmiştir.
