Can Çıkar Tenden Gönül

Can çıkar tenden gönül zikr-i leb-i yâr eylegeç Ten bulur can yeniden ol lâfzı tekrar eylegeç Kılma ey efgan gözün bîdâr mest-i hâb iken Olmaya bir fitne peydâ ola bidâr eylegeç Sohbetimden âr edip ey gül beni terk etme kim Gül olur efsürde terk-i sohbet-i hâr eylegeç Varımı fikr-i dehâniyla yok ettim kim kazâ Böyle emr etmiş bana yoktan beni var eylegeç Arz-ı ruhsâr et bu gün ey meh kim ölsün gökte gün Öyle kim encüm ölür gün arz-i ruhsâr eylegeç Her zebân bir tîgdir gûyâ Züleyhâ katline Yûsuf’ı almakta ehl-i aşk bâzâr eylegeç Nâle vü zârım Fuzûlî hoş gelir ol gül-rehe Açılır gül gönlü bülbül nâle vü zâr eylegeç Fuzuli