Safha-i çihre âl üzre sevâd-i hat-i yâr Dil-i pür-hûnumun âyînesine saldı gubâr Ey izâr ü hatına anber ü kâfûr gulâm Dem-be-dem safha-i kâfûra hatın anber-bâr Hat-i sebz ile füzûn oldu letâfet ruhuna Kim görüptür vere âyineye revnak jengâr Saf-i uşşâk hücûm etti meger kim hüsnün Lâ’l gencînesine gâliyeden çekti hisâr Bin belâ okuna sancıldı ruhun aksinden Olalı sâde gönül ârızına âyine-dâr Açtı gönlüm çiçeğin zevk-i hat-i ruhsârın Dün ü gün oldu ber-â-ber ne aceb olsa bahâr Hat ü gül zâhir olan âhu-yi Çin’dir çeşmin Her taraf cünbişe geldikçe kılar müşg nişâr Ey büt-i seng-dil ü sim-ten ü müşgîn-hâl V’ey meh-i serv-kad ü sebz-hat ü lâle-‘izar Gönlüm aldın ki behâsın veresin nakd-i vefâ Etmedin ahde vefâ kuluna kıldın inkâr Ne revâ olmaya âsâr-i mürüvvet sende Sen tegâfül kılasın ben olam âşüfte vü zâr Tutalım kim sana sultan bana çâker derler
İttisâl eyle benimle vü ger eylersen
âr Kerem et gönlümü ver gayr ile bâzâr ederim Sen sana ben bana âzâr ile olmaz bâzâr Bi’llâh incitme beni yoksa şikâyet kılarım Nice bir sabr edeyim kalmadı cânımda karâr Li’llâhi’l-hamd değil mülk tehî hâkimden Şer’ icrâsına Bağdâd’da bir hâkim var Vâzı’-i ma’delet ü re’fet ü insâf ü edeb Sâhib-i merhamet ü şefkat ü temkîn ü vekâr Ol zeki-tab’ ki tahkîk-i sıfâtında anun Taleb-i ma’rifet efkârı ediptir efgâr Zâtı gevher sadef-i hikmete likin yektâ Tab’ı kevkeb felek-i dikkate ammâ seyyâr Derkine kısm-i bedihide tasavvur mahsûr İlmine hâcib-i esrâr vukû’-i izhâr Bezmi erbâb-i temannâya makâm-i maksad Kilki ehl-i Hak’a miftâh-i künûz-i esrâr İlm minhâcına etvârı usûl-i tavzîh Feyz mishâbına âsâri sulûk-i envâr Fukahâ fırkasına sûret-i fi’li fetvâ Cümleden cümleye ol sadr-i şeri’at muhtâr Ey vücûdun sebeb-i tavkiyet-i şer’i şerîf Bünye-i illet-i Zehrâ’ya sedâdın mi’mâr Hidmetin olmasa maksûd ne mümkin ki vere Nokta-i dâ’ire ger olmasa zâtın ne aceb Olsa nüh dâ’ire-i çerh mu’attal-i pergâr Hidmet-i bezmine me’mûr melâ’ik saf saf Zâhiren sûret-i insâna girip leyl ü nehâr Mâh-simâlar ile arsâ-i bezmin gerdûn Serv-i bâlâlar ile hâk-i harimin gül-zâr Ser-verâ ecr-i amel acil ü âcil Hak’dan Cennet olmuş sana bu ma’ni-i şâhed-âsâr N’ola gördükçe seni olsa Fuzûlî gûyâ Sen bir âyinesin ol tûtî-i şirin-güftâr Var ümîdim nice kim kâr-geh-i hikmetten Hâk ü eflâke mukadder ola meks ilemedâr Seyr-i eflâk ola hâk üzre senin re’yinle Kemer-ihidmetini ede devâ’ir aktâr Fuzuli
Bu eser Safhai Çihre Al Üzre ismiyle
İlahi kategorisine eklenmiştir.
